Archives for 2019
Skynfæraveisla – fræðsluerindi
Fyrsti fræðslufundur FKK veturinn 2019-2020 var haldinn miðvikudaginn 13. nóvember. Um var að ræða opinn fræðslufund þar sem félagskonum var boðið að taka með gesti og mættu 30 konur til fundar.
Varaformaður, Eva Michelsen, kynnti nýja heimasíðu félagsins www.fkk.is sem var formlega opnuð í upphafi fundar, áður en Kristín Þórsdóttir, eigandi og stofnandi Eldmóðurs fræðsluseturs ehf., verðandi kynfræðingur og kynlífsmarkþjálfi tók til máls með erindið Skynfæraveisla.
Alma Guðrún Frímannsdóttir, félagskona og yfirstýra viðburðarnefndar, tók einnig til máls og kynnti fyrirkomulag á fyrsta fjáröflunarviðburði félagsins. Nánari kynning og skráning verður send út á félagskonur fyrir vikulok.
Félagið bauð upp á kaffi og köku í tilefni opnunar heimasíðu félagsins við góðar undirtektir.
Einstaklega gott kvöld í alla staði sem valt af stað áhugaverðum umræðum á meðan erindinu stóð og eftir.
Hér að neðan eru aðeins nánari upplýsingar um Kristínu og fræðsluerindið:
„Alltof oft hef ég heyrt að konur í kringum mig tala um að þær hafi týnt sér sem kynverur. Þegar ég hef spurt afhverju viðkomandi haldi að það sé, eru svörin yfirleitt þau sömu: það er brjálað að gera í vinnunni, náminu, barnauppeldinu og einhvern veginn er þetta það fyrsta sem víkur fyrir öllu hinu.„
Þetta var kveikjan að því að mig langaði að búa til þennan fyrirlestur, Skynfæraveisla, segir Kristín.
Hvað gerist ef við stöldrum við? Hugsum um sjálfsmyndina, skoðum hverjar við erum sem kynverur, tengjumst skynfærum okkar og verðum meðvitaðri um okkar eigin ánægju?
Fyrirlesturinn er til þess ætlaður að vekja konur til umhugsunar um sína eigin sjálfsmynd og staldra við og skoða hvar við erum staddar sem kynverur. Erum við að stunda það kynlíf sem við viljum, erum við tengdar líkama okkar, vitum við hvað við viljum?
Kristín Þórsdóttir er ACC markþjálfi og á fyrirtækið Eldmóður fræðslusetur ehf. Einnig er hún markþjálfi hjá Krafti, félagi ungs fólks sem greinst hefur með krabbamein og aðstandenda þeirra. Ásamt því er Kristín í námi að læra að verða kynfræðingur (e. sexologist) og kynlífsmarkþjálfi (e. sex coach).
Gjöf til kvenna á Íslandi
Söfnun í tilefni 90 ára afmælis Kvenfélagasambands Íslands sem stofnað var 1. febrúar 1930.
Kvenfélagskonur safna fyrir tækjum og búnaði sem tengir rafrænt saman ómtæki hvar sem er á landinu. Þau munu nýtast öllum konum á Íslandi, jafnt fæðandi konum sem og konum með kvensjúkdóma.
Með þessum tækjum væri verið að óm- og tæknivæða landið og tengja það saman sem eina heild. Ómskoðanir eru snar þáttur í tengslum við skoðun kvenlíffæra, hvort sem um er að ræða á meðgöngu, fæðingu eða vegna gruns um kvensjúkdíma.
Þessar skoðanir þykja sjálfsagðar og flestar konur á landinu þekkja mikilvægi þeirra. Tækin sem safnað verður fyrir geta aukið öryggi í greiningum og í mörgum tilfellum komið í veg fyrir að senda þurfi konur á milli landshluta vegna ýmissa óvissuþátta.
Afmælisnefnd KÍ hefur útbúið eftirfarandi vörur til stuðnings söfnunni (sjá mynd) og hægt að styðja verkefnið með því að kaupa þessa muni hjá okkur í Félagi kvenna í Kópavogi, sjá nánar undir Styrktarsala:
Fyrsti félagsfundur vetrarins
Fyrsti félagsfundur vetrarins var haldinn í Sunnuhlíð, miðvikudaginn 30. október 2019.
Á fundinn mætti Hörður Sveinsson, framþróunar og nýsköpunar ráðgjafa hjá Nýlausn og fór yfir niðurstöður frá vinnusmiðjunni sem FKK hélt 5. október síðastliðin.
Þar kom fram að félagskonur höfðu áhuga á að sitja námskeið, fyrirlestra eða námskeið af ýmissum toga. Búa til aðstæður þar sem væri verið að fræðast og skemmta sér á saman tíma. Áhersla var lögð á að láta gott af sér leiða og voru margar uppástungur skrásettar um hvaða verkefni FKK gæti tekið að sér til þess að styðja við og veita aðstoð.
Á vinnusmiðjunni var lagður grunnur að hvaða nefndir þurfti að koma í gang og voru þrjú skráningarblöð lögð fram á fundinum fyrir:
- Viðburðarnefnd
Sér um að skipuleggja fræðslu, kynningar og námskeið fyrir félagskonur og skipuleggja sérstaka viðburði, veislur, ferðalög og skemmtanir á öðrum dögum. Vinnur náið með styrktar- og fjáröflunarnefnd þar sem viðburðir skipulagðir af þessari nefnd geta verið fjáröflunar tækifæri. Nefndin velur eina dömu ár hvert til þess að vera stýra nefndarinnar og hún vinnur með og miðlar upplýsingum til Stjórnar FKK og situr í Aðalstjórn. Viðburðarnefnd sér um að finna áhugverða einstaklinga til að koma og kynna fyrir félagskonur sem og komast að því hvaða mannauð og þekkingu við eigum Innan félagsins til þess að geta verið með kynningar sem og kennslu. - Veitingarnefnd
Sér um að virkja konur til að koma með veitingar á félagsfundi. Vinnur náið með Viðburðarnefnd í skipulagi hver kyns sölu veitinga sem félagið tekur að sér. Einnig ef panta þarf veitingar á tilteknum viðburðum t.d. Árshátíð eða viðburði, þegar félagskonur sjá ekki um kaffi/veitingar. - Styrktar- og fjáröflunarnefnd
Hefur augun opin fyrir styrkjum sem félagið gæti sótt um, skrifar umsóknir og sækir um fyrir hönd félagsins. Leitar eftir verkefnum til þess að styrkja og hvernig félagið gæti farið að því að virkja konur til að safna í verkefnið og láti gott af sér leiða. Styrktar- og fjáröflunarnefnd vinnur náið með viðburðar- og veitingarnefnd þar sem nefndirnar geta haft þekkingu á styrkleika félagskvenna og hvar sé hægt að leita innblásturs í mannauð og þekkingu til þess að búa til verðug verkefni sem félagskonur vilji taka að sér.
Viðburðarnefnd fékk góðar viðtökur og mótaðist hún strax á fundinum. Einungis ein skráði sig í veitinganefn og enginn kona skráði sig í Styrktar- og fjáröflunarnefnd. Sem byrjunarskref lýtur þetta vel út en hugsanlega þarf að endurskoða nefndarskiptin.
Vetrarstarf var rætt og var samrómur um það að annar miðvikudagurinn í mánuði væri flottur dagur til að festa niður fyrir félagsfundi.
Jenný Jóakimsdóttir, FKK félagskona og starfsmaður hjá Kvenfélagasamband Íslands kynnti tvö áhugaverð fjáröflunartækifæri fyrir félagskonur. Það fyrra tengist gjörningi sem Þjóðleikhúsið og Kvenfélgassamband Íslands vinnur að og það seinna tengist söfnunina vegna 90 ár afmælis Kvenfélgassamband Íslands sem verður á næsta ári. Sjáið myndina hér fyrir neðan til að sjá nánar um afmælis söfnina.
Góður fundur í alla staði en best var þó að taka tíma til að ræða saman og kynnast öðrum félagskonum.
Vinnusmiðja FKK
Góð þátttaka og frábærar viðtökur við vinnusmiðju félagskvenna sem fór fram laugardaginn 5. október síðastliðinn í Bókasafni Kópavogs.
Sóst var eftir því að fá fram skoðun félagskvenna á hvaða áherslur félagið ætti að einblína á sama tíma að eiga saman góða stund þar sem félagskonur fengi tækifæri til þess að marka stefnu og tilgang félagsins.
Stjórnin fékk Hörð Sveinsson, framþróunar og nýsköpunar ráðgjafa hjá Nýlausn til að aðstoða stjórnina við uppsetningu og að leiða vinnusmiðjuna. Hann sérhæfir sig í að aðstoða skipulagsheildir í stefnumótun og því tilvalinn í verkið. Vinnusmiðjunni var skipt upp í þrjár smiðjur þar sem lagar voru fram spurningar um innra og ytra starf og hvar það skarast á. Félagskonum var skipt upp í hópa og unnu hóparnir saman við að svara spurningum og koma með uppástungur á hugmyndablöðum til þess að virkja félagskonur og fá hugmyndir þeirra fram um hvernig þær sæu fyrir sér starfsemina og mótun félagsins.
Að vinnusmiðjunni lokinni vann Hörður úr þeim þremur spurningablöðum sem hver þátttakandi svaraði og hugmyndablöðunum, sem voru meira en 200 talsins. Hann mun svo mæta á næsta félagsfund og kynna niðurstöður fyrir félagskonum.
Vinnusmiðjan var einstaklega vel heppnuð og voru allar félagskonur sammála um að vinnusmiðju mætti halda á hverju ári til þess að skerpa á áherslum félagsins.
Meðfylgjandi mynd var tekin meðan á vinnusmiðjunni stóð og má finna fleiri myndir í myndaalbúmi.
Fyrsti félagsfundur FKK
Félag kvenna í Kópavogi hélt sinn fyrsta félagsfund fimmtudaginn 23. maí.
Hátt í 40 konur mættu á fyrsta fund félagsins sem haldin var í matsal Sunnuhlíðar í Kópavogi.
Stjórn sá um veitingar og kynnti félagaskráningu og fjármál félagsins. Fundaraðstaða var einnig rædd.
Stjórn FKK hefur verið að vinna ötullega að því að finna húsnæði til þess að funda í og fann það loksins með því að fá ábendingu frá félagskonu. Félagið hefur þá fengið samastað núna um sinn.
Stjórninn hefur í hyggju að halda vinnusmiðju með félagskonum í september og var sú hugmynd kynnt, félagskonur tóku mjög vel í þá hugmynd.
Allt í allt var þetta vel heppnaður fundur í björtu og fallegu rými.