Miðvikudaginn 8. janúar og hélt FKK fyrsta félagsfund ársins. Á fundinn mættu 25 konur sem skemmtu sér vel yfir góðum fróðleik, girnilegum veitingum og spjalli. Anna Kristinsdóttir, formaður Mæðrastyrksnefndar, fræddi okkur um starfsemi nefndarinnar og Ásta Hjálmtýsdóttir sagði okkur frá öllum þeim spennandi ferðum sem Orlofsnefnd er að skipuleggja fyrir árið.
Kynning frá orlofsnefnd
Orlofsnefnd mun haldakynningu á ferðum ársins þriðjudaginn 25. febrúar. Verður hún haldin í Gjábakka, Fannborg 8 og hefst kl. 16:30.
Við hvetjum allar félagskonur til að mæta því margar áhugaverðar ferðir verða í boði.
Aðalfundur FKK
Einnig var tilkynnt á fundinum að aðalfundur FKK yrði haldinn föstudaginn 21. febrúar.Hefst fundurinn kl. 20 en eftir hann ætlum við að eiga saman góða stund og fagna fyrsta starfsárinu okkar. Boðskort verður sent út innan tíðar en munið að taka daginn frá.
Landssöfnun fyrir allar konur á Íslandi
Að lokum viljum við minna á söfnunina í tilefni af 90 ára afmæli Kvenfélagasambands Íslands sem stofnað var 1. febrúar 1930. Eins og komið hefur fram ætlum við að safna fyrir tækjum og búnaði sem eru mikilvæg konum með kvensjúkdóma og fæðandi konum um allt land. Við viljum að sjálfsögðu geta haft gjöfina sem veglegasta og hvetjum ykkur því allar til að bjóða vinum, ættingjum og samstarfsfélögum glæsileg armbönd og ljúffengt súkkulaði til kaups. Munið að margt lítið gerir eitt stórt og ef allar kvenfélagskonur leggjast á eitt munum við ná markmiðum okkar.
Allar frekari upplýsingar um söfnunina og hvernig má nálgast vörurnar gefa stjórnarkonur á fundum og netfanginu fkk@fkk.is
Hlökkum til samstarfsins og skemmtilegra stunda með ykkur á árinu!